ខ្លាសអាស៊ីធីវី

Update: ប្រធានគណៈបញ្ជាការឯកភាពរដ្ឋបាលខណ្ឌមានជ័យ ចាត់ឱ្យកម្លាំងអាជ្ញាធរមានសមត្ថកិច្ចចុះធ្វើរដ្ឋបាល និងឈានទៅធ្វើកិច្ចសន្យាបិទទីតាំងល្បែងស៊ីសងអនឡាញ ៤កន្លែង នៅសង្កាត់ស្ទឹងមានជ័យទី១

ព័ត៌មានជាតិ

(ភ្នំពេញ)៖ ទីតាំងល្បែងភ្នាល់ស៊ីសងតាមអនឡាញ ប្រមាណជា៤កន្លែង ដែលបង្កប់នៅក្នុងតារាងបាល់ ត្រូវបានធ្វើកិច្ចសន្យា និងផ្ដិតមេដៃបញ្ឈប់សកម្មភាព ដោយកម្លាំងអាជ្ញាធរមានសមត្ថកិច្ចពាក់ព័ន្ធ ក្នុងមូលដ្ឋាន ក្រោយពីមានការបង្ហោះចែកចាយព្រោងព្រាតតាមបណ្ដាញសង្គមហ្វេសប៊ុក ក្នុងការសំណូមពរ ឱ្យមានការជួយទប់ស្កាត់ និងបង្ក្រាប ដើម្បីធានាដល់សន្តិសុខ និងសុវត្ថិភាព របស់ប្រជាពលរដ្ឋ។

ការចុះធ្វើរដ្ឋបាល និងឈានដល់ការធ្វើកិច្ចសន្យាបិទទីតាំងល្បែងស៊ីសងតាមអនឡាញទាំង៤កន្លែងនេះ បានអនុវត្តឡើងយ៉ាងយកចិត្តទុកដាក់ ស្ថិតនៅភូមិទ្រា (១ទីតាំង) ភូមិទ្រា២ (២ទីតាំង) និងភូមិទ្រា៣ (១ទីតាំង) ក្នុងភូមិសាស្ត្រសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ នាវេលាម៉ោង១៣៖០០នាទីរសៀលថ្ងៃទី២៩ ខែវិច្ឆិកា ឆ្នាំ២០២៥។

សម្រាប់ប្រតិបត្តិការចុះធ្វើរដ្ឋបាលនេះដែរ បានអនុវត្តឡើងតាមបទបញ្ជារបស់ លោក សេង គន្ធ អភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌ និងមានការដឹកនាំដោយលោក ជា សារ៉េត ចៅសង្កាត់ និងជាប្រធានគណៈបញ្ជាការឯកភាពសង្កាត់ស្ទឹងមានជ័យទី១ ដែលបានចាត់ឱ្យលោក ដុះ គឹមឈី ចៅសង្កាត់រង ជាអ្នកដឹកនាំកម្លាំងដោយផ្ទាល់ ដែលជាលទ្ធផល បានធ្វើកិច្ចសន្យា និងផ្ដិតមេដៃទុកជាភស្តុតាងចំពោះម្ចាស់ទីតាំង និងបានធ្វើការណែនាំ រួមមាន៖ ១-មិនត្រូវផ្តល់ទីតាំងបើកល្បែងស៊ីសងដោយខ្លួនឯង ឬជួលល្បែងស៊ីសងអនឡាញជាដាច់ខាត។ ២-មិនត្រូវបើកឱ្យមានល្បែងស៊ីសងគ្រប់ប្រភេទនៅទីតាំង ដែលខ្លួនគ្រប់គ្រង។ ៣-នៅពេលឃើញសកម្មភាពណាមួយ ដែលសង្ស័យត្រូវរាយការណ៍ជូនសមត្ថកិច្ច៕

https://api.whitetigertv-asia.com/uploads/images/1764423824518-photo_2025-11-29_20-41-49.jpghttps://api.whitetigertv-asia.com/uploads/images/1764423860163-photo_2025-11-29_20-42-12.jpghttps://api.whitetigertv-asia.com/uploads/images/1764423860164-photo_2025-11-29_20-42-20.jpghttps://api.whitetigertv-asia.com/uploads/images/1764423860166-photo_2025-11-29_20-42-24.jpghttps://api.whitetigertv-asia.com/uploads/images/1764423860166-photo_2025-11-29_20-42-29.jpghttps://api.whitetigertv-asia.com/uploads/images/1764423860167-photo_2025-11-29_20-42-34.jpghttps://api.whitetigertv-asia.com/uploads/images/1764423860169-photo_2025-11-29_20-42-38.jpg

អត្ថបទ៖ ដូរបាយ
ប្រភព៖ ស្រាវជ្រាវ
ចែករំលែក
ខ្លាសអាស៊ីធីវី