(ភ្នំពេញ)៖ នៅទីស្នាក់ការគណបក្សប្រជាជនកម្ពុជា សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ នាល្ងាចថ្ងៃទី១១ ខែកញ្ញា ឆ្នាំ២០២៥ មានរៀបចំបើកកិច្ចប្រជុំជីវភាពប្រចាំខែរបស់គណបក្ស។
កិច្ចប្រជុំប្រចាំខែនេះ ដឹកនាំដោយលោកស្រី រាជ ផាវឿន ប្រធានគណៈកម្មាធិការគណបក្សសង្កាត់ទួលសង្កែទី១ និងមានការចូលរួមពីគណៈអចិន្ត្រៃយ៍ គណៈកម្មាធិការសង្កាត់ សាខាគណបក្សភូមិ មន្ត្រីបូកសរុប និងមន្ត្រីពាក់ព័ន្ធមួយចំនួនទៀត។
ក្នុងកិច្ចប្រជុំប្រចាំខែនេះដែរ លោកស្រីប្រធានគណៈកម្មាធិការគណបក្សសង្កាត់ទួលសង្កែទី១ បានផ្ដោតសំខាន់ អំពីការត្រួតពិនិត្យរបាយការណ៍ និងលទ្ធផលសកម្មភាពការងារទាំងឡាយប្រចាំខែកញ្ញា ហើយនិងរៀបចំទិសដៅការងារបន្តនៅខែតុលា ឆ្នាំ២០២៥៕
